“Газар хөдлөлтийн аюулаас урьдчилан сэргийлэх, таниулах өдөр”

e76f52_IMG_0244_x974.jpg

Засгийн газрын 2017 оны 67 дугаар тогтоолоор жил бүрийн гуравдугаар сарын дөрөв дэх долоо хоногийн лхагва гарагийг “Газар хөдлөлтийн аюулаас урьдчилан сэргийлэх, таниулах өдөр” болгох шийдвэрийг гаргасан. Үүний дагуу энэ оны гуравдугаар сарын 25-ны өдөр “Газар хөдлөлтийн аюулаас урьдчилан сэргийлэх, таниулах өдөр” тохиож байна. Тус өдрийн хүрээнд төрийн болон төрийн бус байгууллага, гамшгаас хамгаалах албад, аж ахуйн нэгж, ард иргэдийг оролцуулан үндэсний хэмжээнд газар хөдлөлтийн гамшгаас урьдчилан сэргийлэх сургалт, сурталчилгаа хийж, хүн амын дунд аврах, эрэн хайх ажиллагааны дадлага сургуулийг зохион байгуулдаг уламжлалтай. Сэлэнгэ аймгийн хувьд газар хөдлөлтийн идэвхитэй бүсэд оршдог бөгөөд сүүлийн жилүүдэд нийт нутгаар 4,5-5 баллын газар хөдлөлт болсонч ямар нэг хохирол учраагүй байна. Энэ жилийн хувьд коронавируст халдвараас урьдчилан сэргийлэх хүрээнд олон нийтийг хамарсан арга хэмжээг зохион байгуулахгүй байх шийдвэр гарсантай холбогдуулан газар хөдлөлтийн аюулаас урьдчилан сэргийлэх, таниулах, гамшиг ослын үед хэрхэн өөрийгөө болон бусдыг хамгаалах, анхны тусламж үзүүлэх талаар цахим орчинд олон нийтэд хүргэх юм. 

scroll to top