АВРАХ, ГАЛ УНТРААХ 40 ДҮГЭЭР АНГИЙН ТАНИЛЦУУЛГА

       Сэлэнгэ аймгийн Онцгой байдлын газрын Аврах, гал унтраах 40 дүгээр анги нь 2009 оны 03 дугаар сарын 04-ний өдөр Онцгой байдлын ерөнхий газрын даргын тушаалаар 2009 оны 03 дугаар сарын 08-ний өдрөөс Аврах гал унтраах ангийн захирагч 1, Гамшгаас хамгаалах улсын хяналтын байцаагч 1, салааны захирагч 4, техникийн ахлах жолооч 1, багны засварчин нярав 1, аврагч жолооч 8, дуудлага хүлээн авагч-оператор 3, бичиг хэрэг үйлчлэгч 1, аврагч гал сөнөөгч 22 нийт 44 албан хаагчийн бие бүрэлдэхүүнтэй, үндсэн албаны автомашин 2, тусгай албаны 1, шуурхай албаны 1 нийт 4 автомашинтайгаар аврах гал унтраах чиглэлээр үйл ажиллагаа явуулж эхэлсэн бөгөөд одоо 38 хүнтэй ажиллаж байна.

      Ангийн захирагч, онцгой байдлын хошууч Ц.Баярбямба тус ангийн захирагчаар 2012 оны 11дүгээрсард томилогдон одоог хүртэл ажиллаж байна.

       Тус Аврах гал унтраах 40 дүгээр ангийн бие бүрэлдэхүүний дээд боловсролтой офицер 5, тусгай дунд 1, дээд боловсролтой ахлагч 3, бүрэн дунд боловсролтой 31, бүрэн дунд боловсролтой 2, албан хаагч нь бүрэн дунд мэргэжил эзэмшсэн байна.

 АНГИ БАЙГУУЛЛАГЫН ТОХИЖИЛТЫН АЖЛААР

       Тус Аврах гал унтраах 40 дүгээр анги нь үүсэн байгууллагадсанаасаа хойш бэлтгэл бэлэн байдалаа хангах,

албан хаагчдынхаа ажиллах амьдрах нөхцөл бололцоог хангах зорилгоор сум орон нутгаас болон өөрсдийн дотоод нөөц бололцоог ашиглан анги байгууллагаа тохижуул ирлээ. Үүнд:              Ангийн гадна талбайд цэцгийн мандал хийж зүлэгжүүлэх, мод тарих
              Ангийн захирагчийн өрөөг иж бүрэн тохижуулах
              Салааны захирагч нарын өрөөг иж бүрэн тохижуулах
              Дуудлага хүлээн авагч – Оператор нарын өрөөг иж бүрэн тохижуулах
              Албан хаагчдын хоолны газрын цахилгаан хэрэгсэлээр тохижуулж өрөө тасалгааны тав тухтай байдлыг хангах
              Албан хаагчдын сургалтын танхимыг иж бүрэн тохижуулж сурах нөхцөл болоцоог хангах
              Албан хаагчдын мэдлэг оюуныг дээшлүүлэх зорилгоор 650 ном бүхий номын сан байгуулах
              Ангийн нөөц багаж хэрэгсэлийг хадгалах агуулахыг засаж тохижуулах
              Автомашины тавиулангийн шал, хана будах, хуучин таазыг гипсэн таазаар солих
              Цэргийн амрах болон чөлөөт цагийг өнгөрүүлэх өрөөнд иж бүрэн засвар хийх
              Сургалтын танхимд Монгол Улсын далбаа, О.Б.Е.Г-ын далбаа, цом өргөмжлөл байрлуулах шилэн хорго хийх
              Гадна талбайд блок, төмөр нь хашаа хийх
              Ангийн харуулын үүрэг гүйцэтгэх харуулын байр барих
              Алба хаагчдын амьдрах орчин нөхцлийг сайжруулах зорилгоор ажилчдын 8-н айлын орон сууцны барилга барьж байгуулаад байна.

     Аврах гал унтраах 40 дүгээр анги нь үүсэн байгууллагдсанаасаа хойш Аймаг, сум орон нутаг болон Сэлэнгэ аймгийн Онцгой байдлын газраас зохион явуулсан тэмцээн уралдаанд амжилттай оролцож анги байгууллагын нэр хүндийг өндөрт гаргахын төлөө ажиллаж ирлээ.              2009 онд Сэлэнгэ аймгийн Онцгой байдлын газрын аварга шалгаруулах 6-н төрөлтийн тэмцээнд 1-р байранд орж шилжин явах цом өргөмжлөл мөнгөн шагнал.
              Бороо Гоулд ХХК-наас зохион явуулсан нөхөрсөг уулзалт “Аврагч” тэмцээнд 3-р байр.
              Баянгол сумын 2010 оны “Гар бөмбөг”-ийн аварга шалгаруулах тэмцээнд 1-р байр.
              Баянгол сумаас зохион байгуулдаг “Өвөл цагийн соёл хүмүүжлийн ажил”-ын хүрээнд зохион байгуулагдсан спорт урлагийн цуврал тэмцээнд амжилттай оролцож 2013 онд тэргүүн байрыг эзэлсэн.
              Баянгол сумаас зохион байгуулагддаг төрөл бүрийн уралдаан тэмцээнд манай хамт олон идэвхитэй оролцож тэргүүн байр, дэд байрыг эзэлсэн амжилтаар дүүрэн.